ស្វាយរៀង ៖ ព្រឹកថ្ងៃព្រហស្បតិ៍ ទី០៧ ខែឧសភា ឆ្នាំ២០២០ សមត្ថកិច្ចជំនាញការិយាល័យបទល្មើសគ្រឿងញៀន កងរាជអាវុធហត្ថខេត្តស្វាយរៀង បានបញ្ជូនជនសង្ស័យម្នាក់ ទៅអយ្យការអមសាលាដំបូងខេត្តដើម្បីផ្ដន្ទាទោសតាមច្បាប់ពាក់ព័ន្ធករណីរក្សាទុក ឬជួញដូរ និងប្រើប្រាស់ដោយខុសច្បាប់នូវសារធាតុញៀន ដែលកម្លាំងបង្ក្រាបបាននៅវេលាម៉ោង ២២:៣០ នាទីថ្ងៃទី០៥ ខែឧសភា ឆ្នាំ២០២០ កម្លាំងជំនាញកងរាជអាវុធហត្ថ បានធ្វើការបង្រ្កាបករណីរក្សាទុក ដឹកជញ្ជូន ឬជួញដូរដោយខុសច្បាប់នូវសារធាតុញៀនត្រង់ ចំណុចបន្ទប់ ជួលស្ថិតនៅភូមិស្វាយរៀង សង្កាត់ស្វាយរៀងក្រុងស្វាយរៀង ខេត្តស្វាយរៀងធ្វើការឃាត់ខ្លួនជនសង្ស័យម្នាក់ឈ្មោះ អ៊ុក សូយ៉េ ភេទប្រុស អាយុ ២៣ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅបច្ចុប្បន្នភូមិត្រពាំងអំពិល ឃុំសំបួរ ស្រុកស្វាយទាប ខេត្តស្វាយរៀង ។ វត្ថុតាងចាប់យកមានម្សៅក្រាមពណ៌សថ្លាចំនួន ០២កញ្ចប់, ម៉ូតូចំនួន ០១ គ្រឿង, ទូរស័ព្ទ ចំនួន ០១គ្រឿង។