បាត់ដំបង៖ នៅវេលាម៉ោង ០៧ និង ៣០នាទីថ្ងៃទី០៧ ខែឧសភា ឆ្នាំ២០២០ មានករណីលួចនៅចំណុចមុខផ្សារហងថេង ស្ថិតក្នុងភូមិភ្នំតូច ឃុំពេជ្រចិន្ដា ស្រុកភ្នំព្រឹក ខេត្តបាត់ដំបង បង្ករទ្បើងដោយជនសង្ស័យឈ្មោះ ទ្បាច ផល្លី ភេទស្រី អាយុ ៣០ឆ្នាំ មានទីលំនៅភូមិគ្រួសក្រហម ឃុំតាសែនស្រុកកំរៀង ខេត្តបាត់ដំបង បានធ្វើសកម្មភាពលួចខ្សែកមាសរបស់ជនរងគ្រោះឈ្មោះ ថោង ចំរើន ភេទប្រុសអាយុ ៤០ឆ្នាំ មុខរបរលក់មាស ទីលំនៅភូមិភ្នំតូច ឃុំពេជ្រចិន្ដា ស្រុកភ្នំព្រឹក ខេត្តបាត់ដំបង ក្រោយពីធ្វើសកម្មភាព កម្លាំងសមត្ថកិច្ចកងរាជអាវុធហត្ថបានធ្វើការឃាត់ខ្លួន និងដកហូតវត្ថុតាងខ្សែក ០១ខ្សែ និងម៉ូតូ ០១គ្រឿង។ បច្ចុប្បន្នមន្ត្រីជំនាញកងរាជអាវុធហត្ថកំពុងបន្តនីតិវិធី។