បាត់ដំបងៈ វេលាម៉ោង១២ និង៣០នាទី ថ្ងៃទី២៦ ខែមិថុនា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកបាណន់ បានធ្វើប្រតិបត្តិការបង្ក្រាបឃាត់ខ្លួនជនសង្ស័យម្នាក់ ពាក់ព័ន្ធជាមួយសារធាតុញៀនចំនួន០១លើក ស្ថិតនៅចំណុច ក្នុងភូមិ បុះខ្នុរ ឃុំ ចែងមានជ័យ ស្រុកបាណន់ ខេត្តបាត់ដំបង។ កម្លាំងបានបញ្ជាក់អោយដឹងថា ជនសង្ស័យ នោះមានឈ្មោះ៖
ស៊ុន រ៉ា ភេទ ប្រុស អាយុ៣០ឆ្នាំ មុខរបរ ធ្វើចំការ ទីលំនៅ ភូមិគោករការ ឃុំដូនបា ស្រុកគាស់ក្រឡ ខេត្តបាត់ដំបង ។
ក្នុងនោះដែរកម្លាំងបានធ្វើការចាប់យកវត្ថុតាងមួយចំនួនរួមមាន៖
០១. ម្សៅក្រាមពណ៌សថ្លា ចំនួន០៩កញ្ចប់ ដែលមានទម្ងន់ស្មើ ១.៤៣ក្រាម
០២. ទូរស័ព្ទដៃ ចំនួន០១គ្រឿង
០៣. ម៉ូតូចំនួន០១គ្រឿង
ជនសង្ស័យ និងវត្ថុតាង ត្រូវកម្លាំងមូលដ្ឋានកងរាជអាវុធហត្ថស្រុកបាកាន កំពុងកសាងសំណុំរឿង បញ្ចូនទៅកងរាជអាវុធហត្ថខេត្ត ដើម្បីចាត់ការបន្តតាមនីតិវិធី។