ស្ទឹងត្រែង៖ នៅម៉ោង ១៦ និង ៤០នាទី ថ្ងៃទី០៨ ខែឧសភា ឆ្នាំ២០២០ កម្លាំងអាវុធហត្ថខេត្តស្ទឹងត្រែង សហការជាមួយផ្នែករដ្ឋបាលព្រៃឈើ និងមន្រ្តីសាលាស្រុក ដឹកនាំដោយលោក ស្វាយ ពុទ្ធារ៉ា អភិបាលរងស្រុកបូរីអូស្វាយសែនជ័យ បានចុះបង្ក្រាបបទល្មើសព្រៃឈើ នៅចំណុចភូមិកោះកី ឃុំអូរស្វាយ ស្រុកបុរីអូរស្វាយសែនជ័យ ដោយបានរឹបអូសឈើអារលេខ១(សុក្រំ) ចំនួន: ១១៩ សន្លឹក(មិនទាន់វាស់វែង) ដែលឈ្មួញលាក់ទុកដូចចំណុចខាងលើ។
បច្ចុប្បន្នឈើត្រូវបានប្រគល់ជូនសង្កាត់រដ្ឋបាលព្រៃឈើដុងក្រឡយកទៅរក្សាទុក។
