តាកែវៈ វេលាម៉ោង១៦ និង៣០នាទី ថ្ងៃទី២៦ ខែមិថុនា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកបាណន់ បានធ្វើប្រតិបត្តិការបង្ក្រាបឃាត់ខ្លួនជនសង្ស័យ០២នាក់ ជាមុខសញ្ញាចែកចាយនូវសារធាតុញៀនចំនួន០១លើក ស្ថិតនៅចំណុច ផ្ទះសំណាក់តោ2ស្ថិតក្នុងភូមិ ផ្សារតាកោ សង្កាត់រកាក្នុង ក្រុងដូនកែវ ខេត្តតាកែវ។ បើតាមភ្នាក់ងារ GRK News បានឱ្យដឹងថា ជនសង្ស័យ ទាំង០២នាក់នោះមានឈ្មោះ៖
០១. ម៉ៅ សាម៉េត ភេទប្រុស អាយុ៣៣ឆ្នាំ ទីលំនៅភូមិថ្នល់បំបែក សង្កាត់រកាក្រៅ ក្រុង ដូនកែវ ខេត្តតាកែវ ។
០២. យន់ ទិត្យ ភេទប្រុស អាយុ២១ឆ្នាំ ទីលំនៅ ភូមិថ្នល់បំបែក សង្កាត់រកាក្រៅ ក្រុងដូនកែវ ខេត្តតាកែវ ។
ក្នុងនោះដែរភ្នាក់ងារបានបន្តឱ្យដឹងថា កម្លាំងអាវុធហត្ថបានធ្វើការចាប់យកវត្ថុតាងមួយចំនួនរួមមាន៖
០១. ម្សៅក្រាមពណ៌សថ្លា ចំនួន១៧កញ្ចប់ ដែលមានទម្ងន់ស្មើ ១.៤៣ក្រាម
០២. ទូរស័ព្ទដៃ ចំនួន០២គ្រឿង
០៣. ជញ្ជីងចំនួន០១គ្រឿង
០៤. ម៉ូតូចំនួន ០១គ្រឿង
០៥. លោហះធាតុ ក្រហម (កាឡៃ) ចំនួន០៥វង់
០៦. សំភារះជក់គ្រឿងញៀន មានដបចោះ ដាក់ទុយោ០១ ខ្សៀសំរាប់ជក់ចំនួន០២
ជនសង្ស័យ និងវត្ថុតាង ត្រូវកម្លាំងមូលដ្ឋានកងរាជអាវុធហត្ថស្រុកដូនកែវ កំពុងកសាងសំណុំរឿង បញ្ចូនទៅកងរាជអាវុធហត្ថខេត្ត ដើម្បីចាត់ការបន្តតាមនីតិវិធី។