សៀមរាបៈ វេលាម៉ោង១៥ និង៣០នាទី ថ្ងៃទី២៧ ខែមិថុនា ឆ្នាំ២០១៦ កម្លាំង កងរាជអាវុធហត្ថក្រុងសៀមរាប បានធ្វើការឃាត់ខ្លួនជនសង្ស័យម្នាក់ ពាក់ព័ន្ធជាមួយនូវសារធាតុញៀន ស្ថិតនៅចំណុចភូមិទ្រាំង សង្កាត់ស្លក្រាម ក្រុងសៀមរាប ខេត្តសៀមរាប ។ បើតាមកម្លាំងកងរាជអាវុធហត្ថ បានឱ្យដឹងថា ជនសង្ស័យ នោះមានឈ្មោះ៖
លៀង សុធី ភេទប្រុស អាយុ ២៩ឆ្នាំ រស់នៅភូមិជ្រោយនាងងួន ឃុំជ្រោយនាងងួន ស្រុកស្រីស្នំ ខេត្តសៀមរាប។ ក្នុងនោះដែរកម្លាំងអាវុធហត្ថបានបន្តឱ្យដឹងថា កម្លាំងអាវុធហត្ថបានធ្វើការចាប់យកវត្ថុតាងមួយចំនួនរួមមាន៖
០១. ម្សៅក្រាមពណ៌សថ្លា ចំនួន០២កញ្ចប់ ដែលមានទម្ងន់ស្មើ ០.២០ក្រាម
០២. ទូរស័ព្ទដៃ ចំនួន០១គ្រឿង
០៣. ម៉ូតូចំនួន ០១គ្រឿង
ជនសង្ស័យ និងវត្ថុតាង ត្រូវកម្លាំងកងរាជអាវុធហត្ថក្រុងសៀមរាប កំពុងកសាងសំណុំរឿង ដើម្បីចាត់ការបន្តតាមនីតិវិធី។