កំពង់ស្ពឺ៖ ថ្ងៃទី១២ ខែសភា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកឱរ៉ាល់ ដឹកនាំដោយលោក មេបញ្ជាការស្រុក បានអនុវត្តតាមដីកា ឃាត់ឈ្មោះ ធឿន សុភី ភេទស្រី អាយុ៣៣ឆ្នាំ ទីលំនៅ ភូមិក្រាំងធ្នង់ ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ករណីឃាត់នេះធ្វើឡើងនៅចំនុចភូមិផ្លូវគោ ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ដោយអនុវត្តតាមដីការបង្គាប់ឲ្យចាប់ខ្លួន លេខ ១៥/២០ ចុះថ្ងៃទី២២ ខែមករា ឆ្នាំ២០២០ របស់ចៅក្រមស៊ើបសួរ លោក ម៉ែន វណ្ណៈ នៃសាលាដំបូងខេត្តកំពង់ស្ពឺ “ករណីឆបោក” ។
បច្ចុប្បន្នជនសង្ស័យខាងលើបានបញ្ជូនទៅបញ្ជាការដ្ឋានកងរាជអាវុធហត្ថខេត្តកំពង់ស្ពឺ ដើម្បីបន្តតាមនីតិវិធី ។
