អហ ព្រះសីហនុ៖ នៅវេលាម៉ោង៥និង៣០នាទី ថ្ងៃទី១៦ ខែសីហា ឆ្នាំ២០១៥ នៅចំណុចឆ្នេរអូរឈើទាល ស្ថិតក្រុម១៥ ភូមិ៤ សង្កាត់៤ ក្រុង/ខេត្តព្រះសីហនុ មានអំពើហិង្សាមួយកើតបង្កឡើងដោយមនុស្ស ៥នាក់ (ជនបរទេស៣នាក់និងជនជាតិខ្មែរ២នាក់)។ កម្លាំងមន្ទីរយុត្តិធម៏អាវុធហត្ថខេត្ត បានឃាត់ខ្លួនជនបង្កចំនួន ០៥នាក់។ ១/ឈ្មោះ MATTEO MOLATELLI ភេទប្រុស អាយុ៣៦ឆ្នាំ ជនជាតិអ៊ីតាលី។ ២/ឈ្មោះ FABIO ALVONI ភេទប្រុស អាយុ៤៦ឆ្នាំ ជនជាតិអ៊ីតាលី។ ៣/ឈ្មោះ ANDREA CATTO ភេទប្រុស អាយុ៣៣ឆ្នាំ ជនជាតិអ៊ីតាលី។ ៤/ឈ្មោះ ឌី វិចិត្រ ភេទប្រុស អាយុ២៦ឆ្នាំ មុខរបរបុគ្គលិកហាងម៉ូនសាក់ ស្នាក់នៅចំណុចកើតហេតុខាងលើ។ ៥/ឈ្មោះ ដេន ឌុន ភេទប្រុស អាយុ២៤ឆ្នាំ មុខរបរបុគ្គលិកអាហារដ្ឋានម៉ូនសាក។ មូលហេតុបង្កឱ្យមានអំពើហិង្សានេះ គឺមកពីក្រុមជនបរទេសបាត់កាបូបរួចជជែកជាមួយជនជាតិខ្មែរដែលជាបុគ្គលិកហាងមិនត្រូវគ្នា ក៏ប្រើអំពើហិង្សា។ ចាប់យកវត្ថុតាង កំបិតចំនួន ៣។ កម្លាំងជំនាញកំពុងសាកសួរ ដើម្បីកសាងនីតិវិធីបញ្ជូនទៅសាលាដំបូងខេត្ត។