សៀមរាបៈ វេលាម៉ោង១៨ និង៣០នាទី ថ្ងៃទី២៩ ខែមិថុនា ឆ្នាំ២០១៦ កម្លាំងកងរាជអាវុធហត្ថក្រុងសៀមរាប បានធ្វើការឃាត់ខ្លួនជនសង្ស័យ០៣នាក់ ពាក់ព័ន្ធករណីរក្សាទុក និងចែកចាយ នូវសារធាតុញៀន ស្ថិតនៅចំណុចភូមិចុងកៅស៊ូ សង្កាត់ស្វាយដង្គំ ក្រុងសៀមរាប។ បើតាមភ្នាក់ងារ GRK News បានឱ្យដឹងថា ជនសង្ស័យទាំង០៣នាក់នោះមានឈ្មោះ៖
០១. ចយ ចិត្ត ភេទប្រុស អាយុ៣១ឆ្នាំ មុខរបរកម្មករ ទីលំនៅភូមិចុងកៅស៊ូ សង្កាត់ស្លក្រាម ក្រុងសៀមរាប
០២. ជុន ហ៊ាត ភេទប្រុស អាយុ៣៥ឆ្នាំ មុខរបរធ្វើស្រែ ទីលំនៅភូមិជីយោគ ឃុំកំពង់ចិនត្បូង ស្រុកស្ទោង ខេត្តកំពង់ធំ
០៣. ប្រាក់ សារឹទ្ឋ ភេទប្រុស អាយុ៣៥ឆ្នាំ មុខរបរកម្មករ ទីលំនៅភូមិចុងកៅស៊ូ សង្កាត់ស្លក្រាម ក្រុងសៀមរាប។
ភ្នាក់ងារបានបន្តអោយដឹងថា កម្លាំងអាវុធហត្ថបានធ្វើការចាប់យកវត្ថុតាងមួយចំនួនរួមមាន៖
០១. ថ្នាំញៀនប្រភេទម៉ាទឹកកកចំនួន ០៤កញ្ចប់ ទម្ងន់ស្មើ១.៤០ក្រាម
០២. ទូរស័ព្ទដៃចំនួន០៣គ្រឿង និងសំភារៈជក់និងវេចខ្ចប់មួយចំនួន។
ជនសង្ស័យ និងវត្ថុតាង ត្រូវកម្លាំងកងរាជអាវុធហត្ថស្រុកសៀមរាប កំពុងសាកសួរ និងកសាងសំណុំរឿង ដើម្បីចាត់ការបន្តតាមនីតិវិធី។