ភ្នំពេញៈ កម្លាំងកងរាជអាវុធហត្ថខណ្ឌពោធិ៍សែនជ័យ បានធ្វើការឃាត់ខ្លូនជនសង្ស័យ០៣នាក់ ពាក់ព័ន្ធករណីរក្សាទុក និងចែកចាយនូវសារធាតុញៀន។ ការឃាត់ខ្លួននេះ ធ្វើឡើងនៅល្ងាចម៉ោង ១៨ និង០០នាទី ថ្ងៃទី៣០ ខែមិថុនា ឆ្នាំ២០១៦នេះ នៅចំណុចផ្ទះសំណាក់ ហេង ធូ ស្ថិតក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
កម្លាំងកងរាជអាវុធហត្ថខណ្ឌពោធិសែនជ័យ បានឲ្យដឹងថា ការឃាត់ខ្លូនជនសង្ស័យនេះ កម្លាំងបានដកហូតបានវត្ថុតាងមួយចំនួនរួមមាន៖
០១. ថ្នាំញៀនប្រភេទម៉ាទឹកកកចំនួន០៣កញ្ចប់
០២. ម៉ូតូចំនួន០៣គ្រឿង
០៣. ទូរស័ព្ទចំនួន០៥គ្រឿង
០៤. លុយ១១៥ដុល្លារ និង២ម៉ឺនរៀល ព្រមទាំងវត្ថុតាងសម្រាប់ប្រើប្រាស់មួយចំនួនទៀត។
បច្ចប្បន្នជនសង្ស័យនិងវត្ថុតាង ត្រូវបានបញ្ជូលខ្លួនទៅសួរនាំ នៅទីបញ្ជាអាវុធខណ្ឌ កំពុងកសាងសំណុំរឿង បញ្ចូនទៅកងរាជអាវុធរាជធានី ដើម្បីចាត់ការបន្តតាមនីតិវិធី។