កែប៖ នៅព្រឹកថ្ងៃទី២២ ខែឧសភា ឆ្នាំ២០២០ លោក ឧត្តមសេនីយ៍ត្រី ខេង ទីតូ មេបញ្ជាការ កងរាជអាវុធហត្ថខេត្ត បានដឹកនាំមន្រ្តីក្រោមឱវ៉ាទអញ្ជើញចុះសួរសុខទុក្ខ និងសំណេះសំណាល លោកស្រី អនុសេនីយ៍ត្រី កុយ ច័ន្ទជលសា ជំនួយការមូលដ្ឋាន កងរាជអាវុធហត្ថមូលដ្ឋានក្រុងកែប ដែលទឹមនឹងសម្រាលកូន ស្ថិតនៅគេហដ្ឋានភូមិកែប សង្កាត់កែប ក្រុងកែប ខេត្តកែប។ ក្នុងឱកាសនោះដែរលោកឧត្តមសេនីយ៍ មេបញ្ជាការ បានណែនាំផ្តាំផ្ញើអោយលោកស្រីខិតខំថែរក្សាសុខភាពខ្លួនឯង និងសុខភាពកូន និងបាននាំយកថវិកាចំនួន ២០០.០០០រៀល និងផ្លែឈើមួយកន្ត្រកប្រគល់ជូនផងដែរ។