បន្ទាយមានជ័យៈ កម្លាំងកងរាជអាវុធហត្ថខេត្តបន្ទាយមានជ័យ បានធ្វើការឃាត់ខ្លួន យុវជនម្នាក់តាមដីកាបង្គាប់អោយចាប់ខ្លួនលេខ០៦៩/២០១៦ចេញ ដោយ ចៅក្រមស៊ើប សួរនៃសាលាដំបូងខេត្តបន្ទាយមានជ័យ ពីបទជួញដូរដោយខុសច្បាប់នូវសារធាតុញៀន។
កម្លាំងកងរាជអាវុធហត្ថខេត្តបន្ទាយមានជ័យ បានឱ្យដឹង ជនសង្ស័យដែលត្រូវឃាត់ខ្លួន មានឈ្មោះ តែ វិចិត្រា ហៅ ត្រា ភេទប្រុស អាយុ១៦ឆ្នាំ សញ្ជាតិខ្មែរ មុខរបរ សិស្ស រស់នៅភូមិឬស្សីក្រោក ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។ កម្លាំងបានបន្តឱ្យដឹងទៀតថា ជនសង្ស័យឃាត់ខ្លួននៅវេលាម៉ោង២១ និង២០នាទី ថ្ងៃទី០២ ខែកក្កដា ឆ្នាំ២០១៦ នៅចំណុចមុខក្លិបកំសាន្ត ហ្គោលថោន ស្ថិតក្នុងភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ព្រមទាំងដកហូតវត្ថុតាងរួមមាន៖ ០១. ម៉ូតូចំនួន០១គ្រឿង
០២.ទូរស័ព្ទដៃចំនួន០២គ្រឿង
០៣.នាឡិកាដៃចំនួន០២គ្រឿង
០៤. កាបូបលុយចំនួន០១។
ជនសង្ស័យ និងវត្ថុតាងត្រូវបានកម្លាំងកងរាជអាវុធហត្ថខេត្តបន្ទាយមានជ័យ កំពុងកសាងសំណុំរឿង បញ្ចូនបន្តតាមនីតិវិធី។