អហ ភ្នំពេញ៖ នារសៀលថ្ងៃទី១៦ ខែសីហា ឆ្នាំ២០១៥ វេលាម៉ោង១៥និង៣០នាទី គណៈបញ្ជាការឯកភាពខណ្ឌជ្រោយចង្វារ ដឹកនាំដោយលោក ឡេង រ៉ាវង្ស និងលោក ធិ ងិ អភិបាលរងខណ្ឌ ដោយមានការសហការជាមួយកម្លាំងមូលដ្ឋានកងរាជអាវុធហត្ថខណ្ឌ បានចុះបង្រ្កាបទីតាំងបាញ់ត្រីមួយកន្លែង នៅភូមិ១ សង្កាត់ជ្រោយចង្វារ ខណ្ឌជ្រោយចង្វារ ជាលទ្ធផលចាប់យកវត្ថុតាងរួមមាន៖ 1/ ទូបាញ់ត្រីចំនួនមួយ, 2/ទូបាញ់កាំភ្លើងចំនួនមួយ, 3/ទូហ្គេមវាយគ្នាចំនួនមួយ, 4/ទូហ្គេមប្រណាំងឡានមួយ, 5/កៅអីដែក ៨, 6/តុឈើមួយ, 7./លុយដុល្លារចំនួន ១៣៤ដុល្លារ លុយខ្មែរចំនួន ៣៥៩.៩០០រៀល, 8/កង៤គ្រឿង និងម៉ូតូ ៤គឿង។ ក្នុងនោះឃាត់មនុស្ស ២០នាក់ (ស្រី ២នាក់) និងអ្នកមើលការខុសត្រូវចំនួន ០១នាក់ ឈ្មោះ នី ថា ភេទប្រុស អាយុ២៦ឆ្នាំ។
