ស្ទឹងត្រែងៈ វេលាម៉ោង ១៨ និង០៥នាទី នៅថ្ងៃទី០៤ ខែកក្តដា ឆ្នាំ២០១៦ កម្លាំងកងរាជអាវុធហត្ថក្រុងស្ទឹងត្រែង បានឃាត់ខ្លួនជនសង្ស័យ០២នាក់ ពាក់ព័ន្ធករណីរក្សាទុក និងចែកចាយនូវសារធាតុញៀន ស្ថិតនៅចំណុចភូមិកណ្ដាល សង្កាត់ស្ទឹងត្រែង ក្រុងស្អឹងត្រែង ខេត្តស្ទឹងត្រែង ។ កម្លាំងបានប្រាប់ភ្នាក់ងារ GRK News បានឱ្យដឹងថា ជនសង្ស័យទាំង០២នាក់ នោះមានឈ្មោះ៖
០១. ខុម សាមាន ភេទប្រុស អាយុ២៨ ជាតិខ្មែរ មុខរបរសិប្បកម្ម ផ្ទះនៅភូមិស្រែពោធិ៍ សង្កាត់ស្រះឬស្សី ក្រុងស្ទឹងត្រែង។
០២. ហៀង សុមាន ហៅវីត ភេទប្រុស អាយុ២០ ជាតិខ្មែរ មុខរបរជាងឈើ ផ្ទះនៅគីឡូ៣ភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង។
កម្លាំងបានបន្តថា កម្លាំងបានធ្វើការចាប់យកវត្ថុតាងមួយចំនួនរួមមាន៖
០១. ម្សៅក្រាមប្រភេទម៉ាទឹកកកចំនួន ០៣កញ្ចប់ ដែលមានទម្ងន់ស្មើ ០.២០ក្រាម
០២. ម៉ូតូចំនួន ០១គ្រឿ
០៣. លុយខ្មែរ ៧ម៉ឺនរៀល
ជនសង្ស័យ និងវត្ថុតាងខាងលើ ត្រូវកម្លាំងកងរាជអាវុធហត្ថក្រុងស្ទឹងត្រែង កំពុងកសាងសំណុំរឿង ដើម្បីចាត់ការបន្តតាមនីតិវិធី។