ក្រចេះៈ នៅវេលាម៉ោង២១ និង៣០នាទី ថ្ងៃទី០៣ ខែកក្តដា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកស្នួល បានធ្វើការបង្ក្រាបបទល្មើសព្រៃឈើ ចំនួន០១លើក ស្ថិតនៅចំណុចភូមិប៉ោ ឃុំឃ្សឹម ស្រុកស្នួល ខេត្តក្រចេះ។ ក្នុងប្រតិបត្តិការនោះដែរ កម្លាំងបានប្រាប់ភ្នាក់ងារ GRK News ថា កម្លាំងបានធ្វើការបង្ក្រាបបទល្មើសព្រៃឈើ ស្របពេលដែលជនល្មើសបំរុងឆ្លងដែន ទៅប្រទេសវៀតណាម។
កម្លាំងបានបន្តប្រាប់ភ្នាក់ងារ GRK News ថា កម្លាំងបានចាប់យកវត្ថុតាងមួយចំនួនរួមមាន៖
រថយន្តមួយគ្រឿងម៉ាកកូរ៉េ ចំណុះ ០៨តោន ពណ៏ស គ្មានស្លាកលេខ ដឹកឈើអុសម៉ែត្រ ប្រភេទសុក្រំ ជាច្រើនកំណាត់។
វត្ថុតាងខាងលើ ត្រូវកម្លាំងមូលដ្ឋានកងរាជអាវុធហត្ថស្រុកស្នួល កំពុង កសាងសំណុំរឿង បញ្ជូនទៅខណ្ឌរដ្ឋបាលព្រៃឈើ ដើម្បីចាត់ការបន្តតាមនីតិវិធី។