រតនគិរី៖ នៅវេលាម៉ោង ១១:០០នាទី ថ្ងៃទី០៩ ខែមិថុនា ឆ្នាំ២០២០ យោងបទបញ្ជារបស់ លោកលោកឧត្តមសេនីយ៍ត្រី ថាវ យ៉េន មេបញ្ជាការ កងរាជអាវុធហត្ថខេត្តរតនគិរី កម្លាំងមូលដ្ឋាន កងរាជអាវុធហត្ថស្រុកអូរយ៉ាដាវ ដឹកនាំដោយ លោក វរសេនីយ៍ត្រី សុខ មិន មេបញ្ជការមូលដ្ឋានស្រុក បានចុះទៅទទួលយក អាវុធចំនួន ០១ដើម ម៉ាក AK 47 លេខ XB5266 ចំនួនគ្រាប់ (គ្មាន) ពីអង្គការអភិរក្សជលផល បរិស្ថាន សត្វព្រៃ និងព្រៃឈើប្រទេសកម្ពុជា ដែលមានទីតាំងស្ថិតនៅភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ ដែលខាងអង្គការបានធ្វើការចុះល្បាតដល់ត្រង់ចំណុចក្នុងព្រៃ ស្ថិតនៅភូមិសាស្រ្តភូមិភិ ឃុំសេសាន ស្រុកអូរយ៉ាដាវ ខេត្តរតនគិរី ក៏បានប្រទះឃើញអាវុធ ចំនួន ០១ដើម បានយកមកធ្វើការប្រគល់ជូនឱ្យកងរាជវុធហត្ថស្រុកអូរយ៉ាដាវដើម្បីរក្សាទុក។