កណ្តាលៈ នៅវេលាម៉ោង១៥ និង១៥នាទី ថ្ងៃទី០៦ ខែកក្តដា ឆ្នាំ២០១៦ កម្លាំងកងរាជអាវុធហត្ថក្រុងតាខ្មៅ បានឃាត់ខ្លួនជនសង្ស័យម្នាក់ដែលកំពុងធ្វើសកម្មភាពលួចទ្រព្យសម្បត្តិអ្នកដទៃ ស្ថិតនៅចំណុចក្នុងផ្ទះជនរងគ្រោះ ក្នុង ភូមិព្រែកសំរោង១ សង្កាត់តាខ្មៅ ក្រុងតាខ្មៅ ខេត្តកណ្តាល។
ជនសង្ស័យដែលកម្លាំងអាវុធហត្ថធ្វើការឃាត់ខ្លួនមានឈ្មោះ ជា សំណាង ហៅ ពៅ ភេទប្រុស អាយុ១៦ឆ្នាំ មុខរបរមិនពិតប្រាកដ មានទីលំនៅភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។ ក្នុងនោះផងដែរកម្លាំងកងរាជអាវុធហត្ថបានចាប់យកវត្ថុតាងពីជនសង្ស័យមានទឹកប្រាក់ចំនួន៦០ដុល្លាអាមេរិក។
ជនសង្ស័យ ត្រូវបានកម្លាំងកងរាជអាវុធហត្ថក្រុងតាខ្មៅ កំពុងសាកសួរ និងកសាងសំណុំរឿង ចាត់ការបន្តតាមនីតិវិធី ចំណែកវត្ថុតាងដែលចាប់បាន ត្រូវកម្លាំងអាវុធហត្ថប្រគល់ជូនម្ចាស់ដើមវិញ។