ស្ទឹងត្រែងៈ នៅវេលាម៉ោង១៩ និង៤០នាទី ថ្ងៃទី០៦ ខែកក្តដា ឆ្នាំ២០១៦ កម្លាំងកងរាជអាវុធហត្ថក្រុងស្ទឹងត្រែង បានឃាត់ខ្លួនជនសង្ស័យចំនួន០៥នាក់ ពាក់ព័ន្ធករណីរក្សាទុក និងចែកចាយនូវសារធាតុញៀន ស្ថិតនៅចំណុចភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។
ក្នុងនោះផងដែរកម្លាំងកងរាជអាវុធហត្ថក្រុងស្ទឹងត្រែងបានប្រាប់ភ្នាក់ងារ GRK News ថា កម្លាំងបានចាប់យកវត្ថុតាងពីជនសង្ស័យមួយចំនួនរួមមាន៖
០១. ថ្នាំងញៀនប្រភេទម៉ាទឹកកកចំនួន ០៦កញ្ចប់ ដែលមានទម្ងន់ស្មើ ០.៨៦ក្រាម
០២. ម៉ូតូចំនួន ០១គ្រឿង
០៣. ទូរស័ព្ទចំនួន ០៦គ្រឿង
០៤. លុយខ្មែរចំនួន ៤០ម៉ឺនរៀល
ជនសង្ស័យ ត្រូវបានកម្លាំងកងរាជអាវុធហត្ថក្រុងស្ទឹងត្រែង កំពុងសាកសួរ និងកសាងសំណុំរឿង ដើម្បីចាត់ការបន្តតាមនីតិវិធី។