ឧត្តរមានជ័យ៖ នៅថ្ងៃទី១៣ ខែមិថុនា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកអន្លង់វែង ដឹកនាំដោយលោក អនុសេនីយ៍ឯក ហើន សំបោន មេបញ្ជាការរង មូលដ្ឋានកងរាជអាវុធហត្ថស្រុកអន្លង់វែង បានចុះបង្ក្រាបករណី ប្រើប្រាស់ រក្សាទុក ឬជួញដូរដោយខុសច្បាប់នូវសារធាតុញៀន នៅចំណុច ភូមិទួលសាលា ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ ដោយបានឃាត់ខ្លួនជនសង្ស័យម្នាក់ឈ្មោះ វណ្ណៈ ភាវុធ ភេទប្រុស អាយុ ២៤ឆ្នាំ មុខរបរធ្វើស្រែ បច្ចុប្បន្នរស់នៅភូមិ ឃុំខាងលើ និងដកហូតបានវត្ថុតាងរួមមានម្សៅកា្រមពណ៌ស (ម៉ាទឹកកក) ចំនួន ៤ថង់, ទូរស័ព្ទដៃចំនួន ០១គ្រឿង, ជញ្ជើងសម្រាប់ថ្លឹង ចំនួន០១គ្រឿង និងថង់សម្រាប់ច្រកមួយចំនួន។
បច្ចុប្បន្នកម្លាំងអាវុធហត្ថកំពុងកសាងសំណុំរឿងដើម្បីចាត់ការតាមនីតិវិធី។