សៀមរាបៈ នៅវេលាម៉ោង១៨ និង៤០នាទី ថ្ងៃទី០៦ ខែកក្តដា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកពួក បានធ្វើការឃាត់ខ្លួនជនសង្ស័យម្នាក់ ពាក់ព័ន្ធករណីរក្សាទុក និងជួញដូរនូវសារធាតុញៀនចំនួន០១លើក ស្ថិតនៅចំណុច ភូមិចំបក់ហែ ឃុំពួក ស្រុកពួក ខេត្ត សៀមរាប។ ក្នុងនោះផងដែរកម្លាំងកងរាជអាវុធហត្ថ បានប្រាប់ភ្នាក់ងារ GRK News ថា កម្លាំងបានធ្វើការចាប់យកវត្ថុតាង ពីជនសង្ស័យមួយចំនួនរួមមាន៖
០១. ថ្នាំងញៀនប្រភេទម៉ាទឹកកកចំនួន ១១កញ្ចប់ ដែលមានទម្ងន់ស្មើ ២.៣២ក្រាម
០២. ទូរស័ព្ទចំនួន ០១គ្រឿង
ជនសង្ស័យ ត្រូវបានកម្លាំងមូលដ្ឋានកងរាជអាវុធហត្ថស្រុកពួក កំពុងសាកសួរ និងកសាងសំណុំរឿងបញ្ចូនទៅកងរាជអាវុធហត្ថខេត្ត ដើម្បីចាត់ការបន្តតាមនីតិវិធី។
