ស្ទឹងត្រែងៈ នៅវេលាម៉ោង១៦ និង៣០នាទី ថ្ងៃទី០៦ ខែកក្តដា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកក្រឡាបរិវ៉ាត់ បានឃាត់ខ្លួនជនសង្ស័យ០២នាក់ ដែលកំពុងធ្វើសកម្មភាពចែកចាយគ្រឿងញៀន ស្ថិតនៅចំណុច ចម្ការកៅស៊ូតាញូង ភូមិអន្លង់ក្រមួន ឃុំស្រែឫស្សី ស្រុកថាឡាបរិវ៉ាត់ ខេត្ត
ស្ទឹងត្រែង។
កម្លាំងកងរាជអាវុធហត្ថបានឱ្យដឹងថា ជនសង្ស័យដែលកម្លាំងអាវុធហត្ថធ្វើការឃាត់ខ្លួនមានឈ្មោះ ៖
០១. អ៊ុន អាត ភេទប្រុស ជាតិខ្មែរ មុខរបរធ្វើចំការ ផ្ទះនៅភូមិមន ឃុំអន្លង់ជ្រៃ ស្រុកថាឡាបរិវ៉ាត់។
០២. អុក អែល ហៅឡុង ជាតិខ្មែរ មុខរបរព្រូឡាន ផ្ទះនៅភូមិក្រូច ឃុំទួល ស្រុកព្រៃឈរ ខេត្តកំពង់ចាម។
ក្នុងនោះផងដែរកម្លាំងកងរាជអាវុធហត្ថបានចាប់យកវត្ថុតាងពីជនសង្ស័យរួមមាន៖
០១. ថ្នាំញៀនប្រភេទម៉ាទឹកកកចំនួន ០៥កញ្ចប់ ដែលមានទម្ងន់ស្មើ ៣.២៤ក្រាម
០២. ម៉ូតូចំនួន ០១គ្រឿង
០៣. ទូរស័ព្ទដៃចំនួន ០២ គ្រឿង
០៤. ប្រាក់ខ្មែរ ១០ម៉ឺនរៀល
ជនសង្ស័យ ត្រូវបានកម្លាំងកងរាជអាវុធហត្ថក្រុងតាខ្មៅ កំពុងសាកសួរ និងកសាងសំណុំរឿង ចាត់ការបន្តតាមនីតិវិធី។