សៀមរាបៈ នៅវេលាម៉ោង១៦ និង៣០នាទី ថ្ងៃទី០៨ ខែកក្តដា ឆ្នាំ២០១៦ កម្លាំងកងរាជអាវុធហត្ថក្រុងសៀមរាប បានឃាត់ខ្លួនជនសង្ស័យ០៣នាក់ ដែលកំពុងធ្វើសកម្មភាពចែកចាយគ្រឿងញៀន ស្ថិតនៅចំណុចភូមិសាលាកន្សែង សង្កាត់ស្វាយដង្គំ ក្រុងសៀមរាប។
កម្លាំងកងរាជអាវុធហត្ថបានឱ្យដឹងថា ជនសង្ស័យដែលកម្លាំងអាវុធហត្ថធ្វើការឃាត់ខ្លួនមានឈ្មោះ ៖
០១. សែម ចិន្តា ភេទប្រុស អាយុ២៦ឆ្នាំ មុខរបររត់ម៉ូតូឌុប ទីលំនៅភូមិស្លក្រាម សង្កាត់ស្លក្រាម ក្រុងសៀមរាប។
០២. ទន់ សាវរី ភេទស្រី អាយុ២៨ឆ្នាំ ទីលំនៅភូមិស្លក្រាម សង្កាត់ស្លក្រាម ក្រុងស.រ។
០៣. ហែម កូលាប ភេទស្រី អាយុ២៥ឆ្នាំ មុខរបរនៅផ្ទះ ទីលំនៅភូមិស្លក្រាម សង្កាត់ស្លក្រាម ក្រុងសៀមរាប។
ក្នុងនោះផងដែរកម្លាំងកងរាជអាវុធហត្ថបានចាប់យកវត្ថុតាងពីជនសង្ស័យរួមមាន៖
០១. ថ្នាំញៀនប្រភេទម៉ាទឹកកកចំនួន ១៥កញ្ចប់ ដែលមានទម្ងន់ស្មើ ៤៨.៣ក្រាម
០២. ជញ្ជីងចំនួន ០១គ្រឿង
០៣. ទូរស័ព្ទដៃចំនួន ០៤ គ្រឿង
ជនសង្ស័យ ត្រូវបានកម្លាំងកងរាជអាវុធហត្ថក្រុងសៀមរាប កំពុងសាកសួរ និងកសាងសំណុំរឿង ចាត់ការបន្តតាមនីតិវិធី។
