តាកែវ៖ នៅវេលាម៉ោង ១៤និង ៤០នាទីថ្ងៃទី២០ ខែមិថុនា ឆ្នាំ២០២០ កម្លាំងការិយាល័យបទល្មើសគ្រឿងញៀន ដឹកនាំដោយលោក វរសេនីយ៍ឯក ង៉ែត ចាន់ធី មេបញ្ជាការរង កងរាជអាវុធហត្ថខេត្តតាកែវ បានចុះបង្ក្រាបករណីរក្សាទុក ជួញដូរ ឬប្រើសប្រាស់ដោយខុសច្បាប់នូវសារធាតុញៀន នៅចំណុចភូមិគោកដូង ឃុំពេជសារ ស្រុកកោះអណ្តែត ខេត្តតាកែវ ដោយបានឃាត់ខ្លួនជនសង្ស័យបាន ០១នាក់ឈ្មោះ ឡោ ឧសភា ភេទប្រុស អាយុ ២៤ឆ្នាំ មុខរបរមិនពិតប្រាកដ ទីកន្លែងកំណើត ភូមិគោកដូង ឃុំពេជសារ ស្រុកកោះអណ្ដែត ខេត្តតាកែវ ដោយបានចាប់យកវត្ថុតាងម្សៅក្រាមពណ៌សថ្លា ចំនួន១៤កញ្ចប់(ធំ២តូច១២), ជញ្ជីងថ្លឹងថ្នាំញៀនចំនួន ០២គ្រឿង, ទូរស័ព្ទចំនួន ០២គ្រឿង, ដាវដែកចំនួន០១ និងសម្ភារៈវេចខ្ចប់ថ្នាំញៀនមួយចំនួន ។
បច្ចុប្បន្ន ជនសង្ស័យ និង វត្ថុតាងត្រូវបានមន្ត្រីជំនាញកសាងសំណុំរឿងតាមនីតិវិធី។