តាកែវៈ នៅវេលាម៉ោង០១ និង៣០នាទី ថ្ងៃទី១០ ខែកក្តដា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកត្រាំកក់ បានធ្វើការឃាត់ខ្លួនជនសង្ស័យម្នាក់ ពាក់ព័ន្ធករណីរក្សាទុក និងប្រើប្រាស់នូវសារធាតុញៀន ស្ថិតនៅចំណុចភូមិអង្គតាកុប ឃុំលាយបូ ស្រុកត្រាំកក់ ខេត្តតាកែវ។
កម្លាំងកងរាជអាវុធហត្ថបានឱ្យដឹងថា ជនសង្ស័យដែលកម្លាំងអាវុធហត្ថធ្វើការឃាត់ខ្លួនមានឈ្មោះ ៖
សេង ឌីណា ភេទប្រុស អាយុ ២៦ឆ្នាំ មានទីលំនៅ ភូមិថ្នល់បែក សង្កាត់រកាក្នុង ក្រុងដូនកែវ ខេត្តតាកែវ មុខរបរ មិនពិតប្រាកដ។
ក្នុងនោះផងដែរកម្លាំងកងរាជអាវុធហត្ថបានចាប់យកវត្ថុតាងពីជនសង្ស័យរួមមាន៖
០១. ថ្នាំញៀនប្រភេទម៉ាទឹកកកចំនួន ០១កញ្ចប់ ដែលមានទម្ងន់ស្មើ ០.២៨ក្រាម
០២. ទូរស័ព្ទចំនួន ០១គ្រឿង
០៣. នាឡិការដៃចំនួន ០១គ្រឿង
០៤. ម៉ូតូចំនួន ០១គ្រឿង
០៥. ប្រាក់រៀលចំនួន ៦ម៉ឺនរៀល
ជនសង្ស័យ ត្រូវបានកម្លាំងមូលដ្ឋានកងរាជអាវុធហត្ថស្រុកត្រាំកក់ កំពុងសាកសួរ និងកសាងសំណុំរឿង បញ្ចូនទៅអាវុធហត្ថខេត្ត ដើម្បីចាត់ការបន្តតាមនីតិវិធី។
