កំពង់ស្ពឺ៖ កាលពីវេលាម៉ោង ២១ និង ៣៧នាទី យប់ថ្ងៃទី១ ខែកក្តដា ឆ្នាំ២០២០ ដោយមានបទបញ្ជាដោយផ្ទាល់ពីសំណាក់លោកឧត្តមសេនីយ៍ត្រី ជូ សារុន មេបញ្ជាកាកងរាជអាវុធហត្ថកំពង់ស្ពឺ កម្លាំងមូលដ្ឋានកងរាជអាវុធហត្ថ ក្រុងច្បារមន ដឹកនាំដោយលោក វរសេនីត្រី ធី ឆៃ មេបញ្ជាការ បានចេញល្បាត ការពារសន្តិសុខក្នុងភូមិសាស្ត្រក្រុងនៅចំណុច ផ្លូវបេតុងខាងក្រោយតារាងបាល់ ស្ថិតនៅ ភូមិទួលគោក សង្កាត់ស្វាយក្រវ៉ាន់ ក្រុងច្បារមន ខេត្កកំពង់ស្ពឺ ។ ក្នុងប្រតិបត្តិការកម្លាំងបានឃាត់ខ្លួនជនសង្ស័យ ០១នាក់ឈ្មោះ ហែម សុធា ភេទប្រុស អាយុ ៣២ឆ្នាំ មុខរបរមិនពិតប្រាកដ មានទីលំនៅ ភូមិទួលគោក សង្កាត់ ស្វាយក្រវ៉ាន់ ក្រុងច្បារមន ខេត្ត កំពង់ស្ពឺ ។
ក្នុងនោះកម្លាំងបានដកហូតវត្ថុតាងម្សៅក្រាមសថ្លា ០១ កញ្ចប់ ,ម៉ូតូ ០១គ្រឿង,ទូរស័ព្ទ០១គ្រឿង។
បច្ចុប្បន្នជនសង្ស័យ ត្រូវបានកសាងសំណុំរឿង តាមនីតិវិធី។