ដោយមានការណែនាំ និងយកចិត្តទុកដាក់ខ្ពស់ពីលោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ នៅព្រឹកថ្ងៃទី០៤ ខែកក្កដា ឆ្នាំ២០២០ លោក វរសេនីយ៍ត្រី ពៅ នាវ មេបញ្ជាការ មូលដ្ឋានកងរាជអាវុធហត្ថស្រុកព្រៃនប់ បានដឹកនាំសហការី ចុះជួបសំណេះសំណាល សួរសុខទុក្ខ និងនាំយកនូវថវិកាចំនួន ៣.០០០.០០០ រៀល (បីលានរៀល) អង្ករ ចំនួន០៣បាវ ស្មើនឹង៧៥គីឡូក្រាម ដែលជាថវិកាបានមកពីការចូលរួមរបស់បងប្អូនរួមការងារ ឧបត្ថម្ភដល់លោក អនុសេនីយ៍ត្រី ម៉ៅ វ៉ុន ជំនួយការ មូលដ្ឋានកងរាជអាវុធហត្ថស្រុកព្រៃនប់ ដែលលោកកំពុងមានជំងឺប្រចាំកាយ ដល់លំនៅស្ថាន ដើម្បីលើកទឹកចិត្ត ជួយសម្រួលដល់ការខ្វះខាតក្នុងគ្រួសារ។
