សៀមរាបៈ នៅវេលាម៉ោង១៥ និង២០នាទី ថ្ងៃទី១១ ខែកក្តដា ឆ្នាំ២០១៦ កម្លាំងកងរាជអាវុធហត្ថក្រុងសៀមរាប បានធ្វើការឃាត់ខ្លួនជនសង្ស័យចំនួន០៤នាក់ ពាក់ព័ន្ធករណីរក្សាទុក និងប្រើប្រាស់នូវសារធាតុញៀនចំនួន០១លើក ស្ថិតនៅចំណុច ភូមិអញ្ចាញ សង្កាត់នគរធំ ក្រុងសៀមរាប។ បើតាមសំដីភ្នាក់ងារ GRK News បានឱ្យដឹងថា ជនសង្ស័យដែលត្រូវចាប់ខ្លួនមានឈ្មោះ៖
០១. លី ឃុនលី ភេទប្រុស អាយុ២៣ឆ្នាំ មុខរបររត់ម៉ូតូឌុប ទីលំនៅភូមិអញ្ចាញ សង្កាត់នគរធំ ក្រុង សៀមរាប
០២. សេង វាសនា ភេទប្រុស អាយុ២២ឆ្នាំមុខរបរកម្មករ ទីលំនៅភូមិបឹងដូនប៉ា សង្កាត់ស្លក្រាម ក្រុងសៀមរាប
០៣. អ៊ឹម សំណាង ភេទប្រុស អាយុ២៨ឆ្នាំ មុខរបរកម្មករ ទីលំនៅភូមិអញ្ចាញ សង្កាត់ នគរធំ ក្រុងសៀមរាប
០៤. ខូច ចាន់វិច្ឆិកា ភេទប្រុស អាយុ១៧ឆ្នាំមុខរបរនៅផ្ទះទីលំនៅភូមិត្រពាំងសេះ សង្កាត់គោកចក ក្រុងសៀមរាប។
កម្លាំងបានបន្តថា កម្លាំងកងរាជអាវុធហត្ថបានចាប់យកវត្ថុតាងពីជនសង្ស័យមួយចំនួនរួមមាន៖
០១. ថ្នាំញៀនប្រភេទម៉ាទឹកកចំនួន ០១កញ្ចប់ ដែលមានទម្ងន់ស្មើ ០.២៥ក្រាម
០២. ទូរស័ព្ទចំនួន ០៤គ្រឿង ។
ជនសង្ស័យ ត្រូវបានកម្លាំងកងរាជអាវុធហត្ថក្រុងសៀមរាប កំពុងសាកសួរ និងកសាងសំណុំរឿង ដើម្បីចាត់ការបន្តតាមនីតិវិធី។