រតនគិរី៖ នៅវេលាម៉ោង ២២ និង ០០នាទីថ្ងៃទី០៨ ខែកក្កដា ឆ្នាំ២០២០ យោងបទបញ្ជារបស់លោកឧត្តមសេនីយ៍ត្រី ថាវ យ៉េន មេបញ្ជាការ កងរាជអាវុធហត្ថខេត្តរតនគិរី កម្លាំងមូលដ្ឋាន កងរាជអាវុធហត្ថស្រុកបកែវ ដឹកនាំដោយលោក វរសេនីយ៍ត្រី កាន់ ធីរត្ន័ មេបញ្ជាការ បានចុះបង្ក្រាបការដឹកជញ្ជូនឈើគ្មានច្បាប់អនុញ្ញាត ស្ថិតត្រង់ចំណុចផ្លូវជាតិលេខ ៣៧.៨៩ ភូមិប៉ាឡែ ឃុំកិចុង ស្រុកបរកែវ ខេត្តរតនគិរី បានប្រទះឃើញរថយន្តកែច្នៃដឹកឈើ និងបានឃាត់រថយន្ត រួមទាំងអ្នកបើកបរម្នាក់ ឈ្មោះ រម៉ាម យឺន ភេទប្រុស អាយុ ៤៣ឆ្នាំ ជនជាតិច្រាយ មុខរបរធ្វើចំការ មានទីលំនៅភូមិលោម ឃុំម៉ាលិក ស្រុកអណ្តូងមាស ខេត្តរតនគិរី ។
បច្ចុប្បន្នមន្ត្រីជំនាញកងរាជអាវុធហត្ថ បានប្រគល់ជូននាយផ្នែករដ្ឋបាលព្រៃឈើ បរកែវអនុវត្តតាមនីតិវិធី។