បន្ទាយមានជ័យៈ ជនសង្ស័យម្នាក់បានចូលលួចទូរស័ព្ទដៃ របស់ស្ត្រីម្នាក់ត្រូវបានម្ចាស់គេ ទាន់បានប្តឹង កម្លាំងកងអាវុធហត្ថក្រុងប៉ោយប៉ែត ឲ្យឃាត់ខ្លួននៅវេលាម៉ោង១១យប់ ថ្ងៃទី១២ ខែកក្កដា ឆ្នាំ២០១៦ ស្ថិតក្នុងចំណុចផ្សារដើមពុទ្រាស្ថិតក្នុងភូមិក្បាលស្ពាន១ សង្កាត់និងក្រុងប៉ោយប៉ែត ខេត្តបន្ទាយមានជ័យ ។ កម្លាំងមូលដ្ឋានកងរាជអាវុធហត្ថក្រុងប៉ោយប៉ែតបានឲ្យដឹងថា ជនរងគ្រោះមានឈ្មោះ ធី ស្រីនាង ភេទស្រី អាយុ២៥ឆ្នាំរស់នៅភូមិព្រៃគប់ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។កម្លាំងបានបញ្ជាក់ទៀតថា មុនពេលកើតហេតុនោះ ជនរងគ្រោះបានចេញពីធ្វើការ
មកអង្គុយលេងនៅតូបលក់ឥវ៉ាន់របស់បងស្រីក្នុងផ្សារដើមពុទ្រាពេលនោះជនរងគ្រោះបានយកទូរស័ព្ទម៉ាកសាំសុងព៌ណ ស ដាក់បញ្ចូលថ្មលើតុក្នុងតូប បន្ទាប់មកជនរងគ្រោះបានដើរចេញពីតូបលក់ឥវ៉ាន់ទៅទិញម្ហូប ដើរបានត្រឹមតែ៣០ម៉ែត្រស្រាប់តែបងស្រីខ្លួនបានស្រែកថា ចោរៗលួចទូរស័ព្ទពេលនោះអ្នកជិតខាងបានរត់ដេញតាមចាប់បានជនសង្ស័យភ្លាមៗយកទៅឲ្យអាវុធហត្ថក្រុងប៉ោយប៉ែត។ លោកបានបញ្ជាក់ទៀតថា ជនសង្ស័យត្រូវបានបញ្ជូនមកទីបញ្ជាការកងរាជអាវុធហត្ថខេត្ត ដើម្បីចាត់ការបន្ត។ មេបញ្ជាការរងកងរាជអាវុធហត្ថខេត្ត ទទួលលើការងារយុត្តិធម៌ បានអោយដឹងថា ជនសង្ស័យមានឈ្មោះ ហាក់ ទីម៉ា ភេទប្រុសអាយុ២៨ឆ្នាំ មានទីលំនៅមិនពិតប្រាកដ។ លោកវរ:សេនីយ៍ឯក ម៉ែន ភិរម្យ បានអោយដឹងទៀតថា នៅចំពោះមុខអាវុធហត្ថខេត្តជនសង្ស័យបានឆ្លើយសារភាពថា រូបគេពិតជាបានលួចទូរស័ព្ទដៃម៉ាកសាំសុងព៌ណ ស ១គ្រឿងរបស់ជនរងគ្រោះដូចការចោទប្រកាន់ពិតប្រាកដម៉ែន។ ជនសង្ស័យត្រូវកម្លាំងកងរាជអាវុធហត្ថក្រុងបោយប៉ែតឃាត់ខ្លួន ដើម្បីកសាងសំណុំរឿងចាត់ការបន្តទៅតាមនីតិវិធីច្បាប់ ចំណែកទូរស័ព្ទត្រូវបានសមត្ថកិច្ចប្រគល់អោយម្ចាស់ដើមវិញហើយ៕