អហ ស្ទឹងត្រែង៖ នៅថ្ងៃ១៧ ខែសីហា ឆ្នាំ២០១៥ វេលាម៉ោង១២និង១៥នាទី កម្លាំងអាវុធហត្ថបានបង្ក្រាបការជួញដូរគ្រឿងញៀន នៅចំណុច​មុខ​ស្នាក់ការ៧៤៧ ភូមិឫទ្ធីសែនជយ័ សង្កាត់សាមគ្គី ក្រុងស្ទឹងត្រែង។ លោក ឧត្តមសេនីយ៍ត្រី អៀង វ៉ាន៉ឌី បានបញ្ជាក់ថា កម្លាំងរបស់លោក បាន​ឃាត់​ខ្លួនជនសង្ស័យចំនួន ០១នាក់ ឈ្មោះ ឡែង សៃ ភេទប្រុស អាយុ២៧ឆ្នាំ ជនជាតិឡាវ ទីលំនៅភូមិប៉ាសង ខេត្តចំប៉ាសាក់ ប្រទេស​ឡាវ។ និងចាប់យកវត្ថុតាងថ្នាំញៀនប្រភេទមេតំហ្វេតាមីន​ចំនួន​០១កញ្ចប់ធំ​ទម្ងន់​៥២៨,៨ក្រាម។