ស្វាយរៀងៈ នៅវេលាម៉ោង០៩ និង០០នាទី ព្រឹកថ្ងៃទី១៨ ខែកក្កដា ឆ្នាំ២០១៦នេះ នៅមូលដ្ឋានកងរាជអាវុធហត្ថស្រុករំដួល បាន ធ្វើពិធីប្រកាសតែងតាំងផ្លាស់ប្តូរ មេបញ្ជាការមូលដ្ឋានកងរាជអាវុធហត្ថស្រុក ដែលលោកអនុសេនីយ៍ឯក អុច ចំណុច មេបញ្ជាការចាស់ ផ្ទេរដំណែងជា រងសេនាធិការដ្ឋាន ជំនួសដោយលោកអនុសេនីយ៍ទោ ឌុយ ស៊ីចាន់ មកជាមេបញ្ជាការមូលដ្ឋានកងរាជអាវុធហត្ថស្រុករំដួលវិញ។
ពិធីនេះប្រព្រឹត្តក្រោមអធិបតីភាព ឯកឧត្តម សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង លោកប្រធានក្រុមប្រឹក្សាស្រុក
លោកអភិបាលស្តីទីនៃគណៈអភិបាលស្រុកអញ្ជើជាកិត្តិយស និងមានការចូលរួមពិសំណាក់ លោកមេបញ្ជាការរងខេត្ត លោកប្រធានមន្ទីរ លោកមេបញ្ជាការមូលដ្ឋានស្រុក ក្រុងទាំ៨ លោកមេបញ្ជាការ វរៈព្រំដែនលេខ២០១ លោកប្រធាននគរបាលវរៈព្រុំដែនលេខ៦១១ លោកមេបញ្ជាការសិករងស្រុក លោកអធិការនគរបាលស្រុក លោកមេឃុំ នាយប៉ុស្ត៍រដ្ឋបាល
និងសមាជិកអាវុហត្ថស្រុកផងដែរ។
ក្នុងពិធីនេះ ឯកឧត្តម មេបញ្ជាការខេត្ត មានប្រសាន៍ផ្តាំផ្ញើរអោយយកចិត្ត ទុកដាក់ក្នុងការ បំពេញភារកិច្ច រក្សាសណ្ដាប់ធ្នាប់ជូនប្រជាពលរដ្ឋ ជួយសង្គ្រោះពេលមានគ្រោះអាសន្ន និងអនុវត្តអោយបាននូវតួនាទី ភារៈកិច្ចរបស់កងរាជអាវុធហត្ថ។