បន្ទាយមានជ័យៈ នៅវេលាម៉ោង២២ និង៣០នាទី ថ្ងៃទី១៧ ខែកក្តដា ឆ្នាំ២០១៦ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានបង្ក្រាបករណីរក្សាទុក និងចែកចាយនូវសារធាតុញៀនចំនួន០១លើក និងឃាត់ខ្លួនជនសង្ស័យចំនួនម្នាក់ ស្ថិតនៅចំណុចបន្ទប់ជួល ស្ថិតក្នុងភូមិ ក្បាលស្ពាន១ សង្កាត់/ក្រុង ប៉ោយប៉ែត ខេត្តបន្ទាយមានជ័យ ។ បើតាមសំដីកម្លាំងកងរាជអាវុធហត្ថ បានឱ្យដឹងថា ជនសង្ស័យដែលត្រូវចាប់ខ្លួនមានឈ្មោះ ស្ងួន បូរី ហៅ បារាំង ភេទប្រុស អាយុ៣០ឆ្នាំ រស់នៅចំណុចកើតហេតុខាងលើ។ កម្លាំងកងរាជអាវុធហត្ថក្រុងប៉ោយប៉ែតបានបន្តថា កម្លាំង បានចាប់យកវត្ថុតាងពីជនសង្ស័យមួយចំនួនរួមមាន៖
០១. ថ្នាំញៀនប្រភេទម៉ាទឹកកកចំនួន ០៣កញ្ចប់
០២. ទូរស័ព្ទចំនួន ០២គ្រឿង។
ជនសង្ស័យ ត្រូវបានកម្លាំងកងរាជអាវុធហត្ថក្រុងប៉ោយប៉ែត កំពុងសាកសួរ និងកសាងសំណុំរឿង ដើម្បីបញ្ចូនបន្តតាមនីតិវិធី។