បន្ទាយមានជ័យៈ ដោយបានទទួលព័ត៌មានពីប្រជាពលរដ្ឋ ថា មានជនសង្ស័យ០៣នាក់ កំពុងជួញដូរគ្រឿងញៀននោះ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានធ្វើការចុះបង្ក្រាបជនសង្ស័យ០៣នាក់នោះ ដែលកំពុងនាំគ្នាសេព និងចែកចាយគ្រឿងញៀន នៅវេលាម៉ោង១៣ថ្ងៃត្រង់ ថ្ងៃទី១៨ ខែកក្កដា ឆ្នាំ២០១៦ នៅចំណុចភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ
កម្លាំងបានប្រាប់ភ្នាក់ងារ GRK News ថា កម្លាំងបានធ្វើការឃាត់ខ្លួន ជនសង្ស័យបានម្នាក់មានឈ្មោះ ចំរើន យូម៉ុង ភេទប្រុស អាយុ២៣ឆ្នាំ រស់នៅក្នុងភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
កម្លាំងបានបន្តទៀតថា កម្លាំងបានចាប់យកវត្ថុតាងមួយចំនួនពីជនសង្ស័យរួមមានៈ
០១. ថ្នាំញៀនប្រភេទម៉ាទឹកកចំនួន០១កញ្ចប់ ដែលមានទម្ងន់ស្មើ ០.៣៣ក្រាម ០២.ទូរស័ព្ទដៃចំនួន០១គ្រឿង
ក្រោយពីធ្វើការសាកសួររួច កម្លាំងអាវុធហត្ថក្រុងឈានដល់ការឃាត់ខ្លួន ជនសង្ស័យបានចំនួន០២នាក់បន្ថែមទៀត ដែលមានឈ្មោះ៖
០១. ស្ងួន បូរី ភេទប្រុស អាយុ៣០ឆ្នាំ រស់នៅក្នុងភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ
២. គី ប៊ុនធឿន ភេទប្រុស អាយុ៤០ឆ្នាំ រស់នៅក្នុងភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ
កម្លាំងបានចាប់យកវត្ថុតាងមួយចំនួនពីជនសង្ស័យទាំង០២នាក់នោះរួមមានៈ
០១. ថ្នាំញៀនប្រភេទម៉ាទឹកកចំនួន០៤កញ្ចប់ ដែលមានទម្ងន់ស្មើ ៣.៧៦ក្រាម ០២.ទូរស័ព្ទដៃចំនួន០៤គ្រឿង
ជនសង្ស័យ និងវត្ថុតាង ត្រូវកម្លាំងកងរាជអាវុធហត្ថក្រុងប៉ោយប៉ែត កំពុងសាកសួរ និងកសាងសំណុំរឿងដើម្បីចាត់ការបន្តតាមនីតិវិធី។