បន្ទាយមានជ័យ៖ នៅវេលាម៉ោង ១៣ និង ០០នាទី ថ្ងៃទី១៩ ខែ សីហា ឆ្នាំ២០២០ ដោយទទួលបានព័ត៌មានពីប្រជាពលរដ្ឋថាមានករណីចែកចាយ និងប្រើប្រាស់ដោយខុសច្បាប់នូវសារធាតុញៀននៅចំណុចផ្ទះសំណាក់មួយកន្លែង ជាន់ទី៥ បន្ទប់លេខ៥២ ស្ថិតនៅភូមិក្បាលស្ពាន១ សង្កាត់/ក្រុងប៉ោយប៉ែត ខេត្តបន្ទាយមានជ័យ។ លោក វរសេនីយ៍ត្រី នួន នីណារ៉ូ មេបញ្ជាការ មូលដ្ឋានកងរាជអាវុធហត្ថក្រុងប៉ោយប៉ែត បានដឹកនាំកម្លាំងចុះធ្វើប្រតិបត្តិការឃាត់ខ្លួនជនសង្ស័យជាជនជាតិថៃចំនួន ០២នាក់ និងដកហូតវត្ថុតាងម្សៅក្រាមពណ៌សថ្លា ចំនួន០៤កូនថង់ ស្មើ ៣,៩៤ក្រាម ឧបករណ៍សម្រាប់ប្រើប្រាស់ វិចខ្ចប់គ្រឿងញៀន និងសម្ភារៈមួយចំនួន។
បច្ចុប្បន្ន ជនសង្ស័យ នឹងវត្ថុតាង ត្រូវបានកម្លាំងជំនាញគ្រឿងញៀន កសាងសំណុំរឿងបញ្ជូនទៅអយ្យការអមសាលាដំបូងខេត្តដើម្បីបន្តនីតិវិធី។