ស្វាយរៀងៈ នៅវេលាម៉ោង១៦ និង៣០នាទី ថ្ងៃទី១៩ ខែក្កដា ឆ្នាំ២០១៦ ស្ថិតនៅចំណុចលើផ្លូវជាតិលេខ០១ ស្ថិតនៅភូមិធ្មល់ សង្កាត់ចេក ក្រុងស្វាយរៀង កម្លាំងកងរាជអាវុធហត្ថក្រុងស្វាយរៀង បានធ្វើការឃាត់ខ្លួនជនសង្ស័យចំនួន០២នាក់ ពាក់ព័ន្ធបទល្មើសព្រៃឈើ។
បើតាមសំដីមន្ត្រីកម្លាំងកងរាជអាវុធហត្ថ បានប្រាប់ភ្នាក់ងារ GRK News ឪ្យដឹងថា ជនសង្ស័យដែលត្រូវចាប់ខ្លួនគឺជាជនជាតិវៀតណាម
ដែលជាអ្នកបើកបររថយន្តក្រុង ពីប្រទេសកម្ពុជាទៅទីក្រុងហូជីមិញ របស់ក្រុមហ៊ុន SAPACO TOUR។ មន្ត្រីកងរាជអាវុធហត្ថបានបន្តឪ្យដឹងថា ជនសង្ស័យដែលត្រូវចាប់ខ្លួនមានឈ្មោះ ៈ
០១.ង៉ូ វាំងហុយ ភេទប្រុស អាយុ៤៤ឆ្នាំ មានទីលំនៅភូមិទី៦ សង្កាត់វិញឡុកអា ស្រុកម៉ិញចាន់ ក្រុងហូជិមិញប្រទេសវៀតណាម
០២. ជី ហ្វឹកប៉ាង ភេទប្រុស អាយុ២៦ឆ្នាំ មានទីលំនៅផ្លូវអូវគ័រ សង្កាត់លេខ៤ ខណ្ឌតឹងបិន ក្រុងហូជីមិញ ប្រទេសវៀតណាម ។
មន្ត្រីកងរាជអាវុធហត្ថបានចាប់យកវត្ថុតាងមួយចំនួនរួមមាន ៈ
០១. ឈើប្រណិត ចំនួន ១០ កំណាត់ ដែលមានប្រវែង ១ ម៉ែត្រ កំពស់០-០៥០ស-ម -ទទឹប្រវែង០-២០សម ដែលមានទម្ងន់ ១៨២ គីឡូក្រាម
០២.ទូស័ព្ទដៃចំនួន០៤គ្រឿង
០៣.ខោកាប៊យចំនួន ០៣ ដុំ
ជនសង្ស័យ និងវត្ថុតាងត្រូវកម្លាំងកងរាជអាវុធហត្តក្រុងស្វាយរៀង កំពុងកសាង សំណុំរឿង បញ្ជូនទៅខណ្ឌរដ្ឋបាលព្រៃឈើ ដើម្បីចាត់ការបន្តតាមនីតិវិធី។