បន្ទាយមានជ័យ៖ យោងតាមព័ត៌មានពីប្រជាពលរដ្ឋបានរាយការណ៍ថា នៅវេលាម៉ោង១៧ និង០០នាទី ថ្ងៃទី២៨ ខែសីហា ឆ្នាំ២០២០ មានករណីកាប់សម្លាប់គ្នាកើតឡើងនៅចំណុចអូរកង់រ៉ក់ ស្ថិតក្នុងភូមិថ្មី ឃុំស្វាយចេក ស្រុកស្វាយចេក ខេត្តបន្ទាយមានជ័យ លោក វរសេនីយ៍ទោ ជ័យ សុកា មេបញ្ជាការ មូលដ្ឋាន កងរាជអាវុធហត្ថស្រុកស្វាយចេក បានដឹកនាំកម្លាំងចុះដល់កន្លែងកើតហេតុហើយធ្វើការស្រាវជ្រាវរហូតឈានដល់ការឃាត់ខ្លួនជនសង្ស័យបានចំនួន០១នាក់ ឈ្មោះ គាយ ចម ភេទប្រុស អាយុ៤៨ឆ្នាំ ស្នាក់នៅស្ថិតក្នុងភូមិថ្មី ឃុំស្វាយចេក ស្រុកស្វាយចេក និងដកហូតបានចបកាប់ដងឈើមួយ។
បច្ចុប្បន្ន ជនសង្ស័យត្រូវបាន បញ្ជូនទៅអយ្យការអមសាលាដំបូងខេត្តដើម្បីចាត់ការតាមនីតិវិធី៕