តាកែវៈ នៅវេលាម៉ោង១៦ និង៣០នាទី ថ្ងៃទី១៩ ខែកក្តដា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកត្រាំកក់ បានបង្ក្រាបករណីរក្សាទុក និងចែកចាយនូវសារធាតុញៀនចំនួន០១លើក និងឃាត់ខ្លួនជនសង្ស័យចំនួន០៥នាក់ ស្ថិតនៅចំណុចភូមិខ្លាក្រហឹម ឃុំតាភេម ស្រុកត្រាំកក់ ខេត្តតាកែវ។ បើតាមសំដីកម្លាំងកងរាជអាវុធហត្ថ បានឱ្យដឹងថា ជនសង្ស័យដែលត្រូវចាប់ខ្លួនមានឈ្មោះៈ
០១.ហាក់ វណ្ណី ភេទប្រុស អាយុ ៣៩ឆ្នាំ មានទីលំនៅ ភូមិ-ឃុំ កើតហេតុខាងលើ
០២. កប រាម ភេទប្រុស អាយុ ២៩ឆ្នាំ មានទីលំនៅ ភូមិ-ឃុំ កើតហេតុខាងលើ
០៣. ហ៊ាង សុភាព ភេទប្រុស អាយុ ១៦ ឆ្នាំ មានទីលំនៅ ភូមិ-ឃុំ កើតហេតុខាងលើ
០៤. សាត ធូ ភេទប្រុស អាយុ២១ឆ្នាំ មានទីលំនៅ ភូមិ-ឃុំ កើតហេតុខាងលើ
០៥. រី ប៊ុនឈូ ភេទប្រុស អាយុ២១ឆ្នាំ មានទីលំនៅ ភូមិ-ឃុំ កើតហេតុខាងលើ
កម្លាំងកងរាជអាវុធហត្ថស្រុកត្រាំកក់បានបន្តថា កម្លាំង បានចាប់យកវត្ថុតាងពីជនសង្ស័យមួយចំនួនរួមមាន៖
០១. ថ្នាំញៀនប្រភេទម៉ាទឹកកកចំនួន ០១កញ្ចប់ធំ ដែលមានទម្ងន់ ៥.៥០ក្រាម
០២. ទូរស័ព្ទចំនួន ០២គ្រឿង
០៣. ជញ្ជីងសំរាប់ថ្លឹងចំនួន ០១គ្រឿង
០៤. ដាវចំនួន០២ដើម
០៥. ថង់សំរាប់វិចខ្ចប់ថ្នាំញៀនមួយចំនួន និងសំភារះសំរាប់ជក់ថ្នាំញៀនមួយចំនួន
ជនសង្ស័យ ត្រូវបានកម្លាំងមូលដ្ឋានកងរាជអាវុធហត្ថស្រុកត្រាំកក់ កំពុងសាកសួរ និងកសាងសំណុំរឿង ដើម្បីបញ្ចូនបន្តតាមនីតិវិធី។
