ព្រះសីហនុ៖ នៅវេលាម៉ោង១០:០០ព្រឹក ថ្ងៃទី០២ ខែកញ្ញា ឆ្នាំ២០២០ កម្លាំងការិយាល័យបទល្មើសគ្រឿងញៀន មន្ទីរស្រាវជ្រាវ និង បង្រ្កាបបទល្មើស កងរាជអាវុធហត្ថខេត្តព្រះសីហនុ បានកសាងសំណុំរឿងបញ្ជូនជនសង្ស័យចំនួន០១នាក់ ឈ្មោះ ពៃ ភក្តី ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់នៅក្រុមទី០៩ ភូមិ០២ ឃុំទំនប់រលក ស្រុកស្ទឹងហាវ ជាមុខសញ្ញាចែកចាយ និងរក្សាទុកនូវសារធាតុញៀនដោយខុសច្បាប់ ចុះបង្រ្កាបបាននៅវេលាម៉ោង២០:២០នាទីយប់ ថ្ងៃទី៣១ ខែសីហា ឆ្នាំ២០២០ តាមបណ្ដោយផ្លូវតិរៈវិថីសម្ដេចហ៊ុនសែន ស្ថិតភូមិ០៤ ឃុំអូរត្រេះ ស្រុកស្ទឹងហាវ។