បន្ទាយមានជ័យ៖ យោងតាមពាក្យបណ្ដឹងចុះថ្ងៃទី០២/០៩/២០២០ របស់ជនរងគ្រោះឈ្មោះ ទាវ សម្បត្តិ ភេទស្រី អាយុ៦៣ឆ្នាំ ត្រូវជាម្ដាយក្មេកជនសង្ស័យ រស់នៅភូមិ/សង្កាត់ កោះពងសត្វ ក្រុងសិរីសោភ័ណ ខេត្តបន្ទាយមានជ័យ ពីករណីធ្វើឱ្យខូចខាតដោយចេតនា កាលពីវេលាម៉ោង២២ និង១៥នាទី ថ្ងៃទី០១/០៩/២០២០ ដែលបង្កឡើងដោយជនសង្ស័យឈ្មោះ ឡុង ពុច ភេទប្រុស អាយុ៤២ឆ្នាំ ដែលត្រូវជាកូនប្រសារ។ ក្រោយពីទទួលបានពាក្យបណ្ដឹងលោក វរសេនីយ៍ត្រី យ៉ាន់ សុវណ្ណ មេបញ្ជាការ មូលដ្ឋានកងរាជអាវុធហត្ថ ក្រុងសិរីសោភ័ណ បានដឹកនាំកម្លាំងចុះដល់កន្លែងកើតហេតុហើយធ្វើការឃាត់ខ្លួនជនសង្ស័យឈ្មោះ ឡុង ពុច និងដកហូតបានពូថៅចំនួនមួយដើម។
បច្ចុប្បន្ន ជនសង្ស័យ និងវត្ថុតាងត្រូវបានកសាងសំណុំរឿងបញ្ជូនទៅអយ្យការអមសាលាដំបូងខេត្តអនុវត្តនីតិវិធី។