ភ្នំពេញៈ នៅវេលាម៉ោង១៧ និង៣០នាទី ថ្ងៃទី២០ ខែកក្តដា ឆ្នាំ២០១៦ កម្លាំងមូលដ្ឋានកងរាជអាវុធហត្ថខណ្ឌចំការមន បានធ្វើការឃាត់ខ្លួនជនសង្ស័យចំនួន០៣នាក់ ពាក់ព័ន្ធករណីឆក់ ស្ថិតនៅចំណុចផ្លូវ៣១០កែង១១៣ សង្កាត់បឹងកេងកង២ ខណ្ឌចំការមន រាជធានីភ្នំពេញ។ បើតាមសំដីកម្លាំងកងរាជអាវុធហត្ថ បានឱ្យដឹងថា ជនសង្ស័យបានសារភាពថា ពួកគេតែងធ្វើសកម្មភាពឆក់ជាញឹកញាប់ ក្នុងខណ្ឌចំការមន និងខណ្ឌដូនពេញ ដោយប្រុសៗ ជាអ្នកឆក់ ហើយស្រីស្នេហ៍របស់ជនសង្ស័យ ជាអ្នកជិះម៉ូតូតាមបិទគូទពីក្រោយ។
ជនសង្ស័យ ត្រូវបានកម្លាំងមូលដ្ឋានកងរាជអាវុធហត្ថខណ្ឌចំការមន កំពុងសាកសួរបន្ត និងកសាងសំណុំរឿង ដើម្បីបញ្ចូនបន្តតាមនីតិវិធី។