ក្រចេះៈ នៅព្រឹកថ្ងៃទី២១ ខែកក្កដា ឆ្នាំ២០១៦ នៅបញ្ជាការដ្ឋានកងរាជអាវុធហត្ថខេត្តក្រចេះ បានរៀបចំពិធី អបអរសាទរខួបលើកទី២៣ នៃការបង្កើត កងរាជអាវុធហត្ថ ( ១៤ កក្កដា ១៩៩៣ – ១៤ កក្កដា ២០១៦ ) ក្រោមអធិបតីភាព លោកវរសេនីយ៏ឯក សួស ចំរើន មេបញ្ជាការស្តីទី
កងរាជអាវុធហត្ថខេត្តក្រចេះ និងមានការអញ្ជើញចូលរួមពីសំណាក់ លោកមេបញ្ជាការរង នាយរងសេនាធិការដ្ឋាន ប្រធានមន្ទីរ នាយទាហាន នាយទាហានរង និងពលទាហាននៃកងរាជអាវុធហត្ថខេត្តក្រចេះសរុបចំនួន៨៣រូប។ ក្នុងឱកាសនេះដែរ លោកមេបញ្ជាការស្តីទីបានជូនអំណោយជូនដល់ គ្រួសារនាយទាហាន នាយទាហានរង ពលទាហាន នៃ អហ ក្រចេះ ដែលចូលនិវត្តន៏ ពិការបាត់បង់សមត្ថភាព ពលីមរណៈ មានជម្ងឺ និងជួបការលំបាកសរុបចំនួន ៤៤គ្រួសារ ។