បន្ទាយមានជ័យ៖ យោងតាមពាក្យបណ្ដឹងរបស់ជនរងគ្រោះឈ្មោះ ជួន សារិត ភេទប្រុស អាយុ២៩ឆ្នាំ រស់នៅភូមិវល្លិ៍ ឃុំគោករមៀត ស្រុកថ្មពួក ខេត្តបន្ទាយមានជ័យ ស្ដីពីករណីបាត់ម៉ូតូ កាលពីថ្ងៃទី០៣ ខែកញ្ញា ឆ្នាំ២០២០ វេលាម៉ោង២០ និង៣០នាទី នៅចំណុចភូមិក្បាលស្ពាន១ សង្កាត់/ក្រុង ប៉ោយប៉ែត ។
លោក វរសេនីយ៍ត្រី នួន នីណារ៉ូ បញ្ជាការមូលដ្ឋាន កងរាជអាវុធហត្ថក្រុងប៉ោយប៉ែត បានដឹកនាំកម្លាំងចុះធ្វើប្រតិបត្តិការស្រាយជ្រាវ រហូតឈានដល់ការឃាត់ខ្លួនជនសង្ស័យបានម្នាក់ឈ្មោះ ណា រ៉ាដា ហៅតឿ ភេទប្រុស អាយុ៣១ឆ្នាំ នៅចំណុចបន្ទប់ជួល ស្ថិតក្នុងភូមិក្បាលស្ពាន១ សង្កាត់/ក្រុង ប៉ោយប៉ែត វេលាម៉ោង០៩ និង១១នាទី ថ្ងៃទី០៧ ខែកញ្ញា ឆ្នាំ២០២០
បច្ចុប្បន្ន វត្ថុតាងប្រគល់ជូនជនរងគ្រោះវិញ រីឯជនសង្ស័យត្រូវបានកម្លាំងជំនាញ ចាត់ការតាមនីតិវិធី៕