តាកែវ៖ នៅវេលាម៉ោង ១៦ និង ៣០ នាទីថ្ងៃទី១៩ ខែកញ្ញា ឆ្នាំ២០២០ ការិយាល័យបទល្មើសគ្រឿងញៀន កងរាជអាវុធហត្ថខេត្តតាកែវ និងកម្លាំងមូលដ្ឋាន កងរាជអាវុធហត្ថស្រុកគីរីវង់ ដឹកនាំដោយ លោក អនុសេនីយ៍ត្រី ហួត វឿន នាយការិយាល័យស្ដីទី និង ដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តតាកែវ កម្លាំងបានចុះបង្ក្រាបករណីជួញដូរ និង ប្រើប្រាស់សារធាតុញៀនដោយខុសច្បាប់ នៅចំណុចភូមិពោធិ៍ ឃុំព្រះបាទជាន់ជុំ ស្រុកគីរីវង់ ខេត្តតាកែវ ដោយបានឃាត់ខ្លួនជនសង្ស័យ០១នាក់ឈ្មោះ សោម ទូច ភេទប្រុស អាយុ ៥៦ឆ្នាំ រស់នៅភូមិពោធិ៍ ឃុំ ព្រះបាទជាន់ជុំ ស្រុកគិរីវង់ ខេត្តតាកែវ និងបានដកហូតវត្ថុតាងម្សៅក្រាមសថ្លាចំនួន ២០កញ្ចប់, ដាវដែកចំនួន០៦, សម្ភារៈសេពថ្នាំញៀន និងសម្ភារវេចខ្ចប់មួយចំនួន។
បច្ចុប្បន្នជនសង្ស័យ និង វត្ថុតាការិយាល័យជំនាញកសាងសំណុំរឿងបញ្ជូនទៅអយ្យការអមសាលាដំបូងខេត្តតាកែវអនុវត្តនីតិវិធីបន្ត។