បន្ទាយមានជ័យ៖ ដោយទទួលបានព័ត៌មានពីប្រជាពលរដ្ឋកាលពីវេលាម៉ោង ១៧ និង ៣០នាទី ថ្ងៃទី១៦ ខែកញ្ញា ឆ្នាំ២០២០ ថាមានករណីប្រើប្រាស់គ្រឿងញៀននៅចំណុចមណ្ឌល២ ស្ថិតក្នុងភូមិប្រជាធម្មលិច សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ភ្លាមៗលោក វរសនីយ៍ត្រី នួន នីណារ៉ូ មេបញ្ជាការ មូលដ្ឋានកងរាជអាវុធហត្ថក្រុងប៉ោយប៉ែត បានដឹកនាំងកម្លាំងចុះទៅដល់កន្លែងកើតហេតុ ហើយធ្វើការឃាត់ខ្លួនជនសង្ស័យបានចំនួន០២នាក់ ដែលកំពុងប្រើប្រាស់គ្រឿងញៀន និងដកហូតវត្ថុតាងពាក់ព័ន្ធមួយចំនួន
បច្ចុប្បន្ន ជនសង្ស័យទាំ ត្រូវបានកម្លាំងជំនាញ បញ្ជូនទៅអយ្យការអមសាលាដំបូងខេត្តចាត់ការតាមនីតិវិធី៕