អហ សៀមរាប៖ វេលាម៉ោង១០និង០០នាទី ថ្ងៃទី១៨ ខែសីហា ឆ្នាំ២០១៥ កម្លាំងអាវុធហត្ថខេត្តកំពង់ចាម និងកម្លាំងនគបាលខេត្តកំពង់ចាម បានចុះមកសហការជាមួយកម្លាំងអាវុធហត្ថខេត្តសៀមរាប អនុវត្តដីកាបង្គាប់ឱ្យចាប់ខ្លួនលេខៈ ៩០២ ចុះថ្ងៃទី០៩ ខែមីនា ឆ្នាំ២០១៥ ចេញដោយចៅក្រមស៊ើបសួរនៃសាលាដំបូងខេត្តកំពង់ចាម។ កងកម្លាំងបានចុះដល់ចំណុចហាងយីហោលឹមគាងលក់ទូរសព្ទ័ដៃផ្សារក្រឡាញ់ ស្ថិតនៅក្នុងភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប និងបានចាប់ខ្លួនជនត្រូវចោទឈ្មោះ ស្រស់ សីហា ហៅត្នោត ទីលំនៅភូមិចុងថ្នល់ទី១ សង្កាត់បឹងកុក ក្រុងកំពង់ចាម។ ជនត្រូវចោទពាក់ព័ន្ធនឹងបទទទួលផលចោរកម្ម កាលពីថ្ងៃទី៣១ ខែធ្នូ ឆ្នាំ២០១៤ នៅចំណុចភូមិទី៨ សង្កាត់កំពង់ចាម ក្រុងកំពង់ចាម។
