បន្ទាយមានជ័យ ៖ យោងតាមការស៊ើបអង្កេត នៅវេលាម៉ោង១៣ និង០០នាទី ថ្ងៃទី២១ ខែកញ្ញា ឆ្នាំ២០២០ លោក វរសេនីយ៍ត្រី តាំង សុខហេង មេបញ្ជាការ មូលដ្ឋានកងរាជអាវុធហត្ថស្រុកម៉ាឡៃ បានដឹកនាំកម្លាំងចុះធ្វើប្រតិបត្តិការបង្រ្កាបករណីគ្រឿងញៀន និងឃាត់ខ្លួនជនសង្ស័យបានចំនួនមួយនាក់ឈ្មោះ កង់ បួន ភេទប្រុស អាយុ២៥ឆ្នាំ នៅចំណុចផ្លូវ៥០២ ស្ថិតក្នុងភូមិទួលពង្រ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ។
បច្ចុប្បន្ន ជនសង្ស័យ និង វត្ថុតាងត្រូវបានកម្លាំងជំនាញបញ្ជូនទៅអយ្យការសាលាដំបូងខេត្តចាត់ការតាមនីតិវិធី៕
