រតនៈគិរីៈ វេលាម៉ោង០០ និង៣០នាទី ថ្ងៃទី២៤ ខែកក្កដា ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកអូជុំ បានធ្វើការបង្ក្រាប និងឃាត់ខ្លួនជនសង្ស័យចំនួន០២នាក់ ពាក់ព័ន្ធករណីរក្សាទុក និងចែកចាយនូវសារធាតុញៀន ស្របពេលកម្លាំងកងរាជអាវុធហត្ថកំពុងបំពេញ បេសកកម្មត្រួតពិនិត្យអាវុធជាតិផ្ទុះ ស្ថិតនៅចំណុច លើផ្លូវជាតិលេខ ៧៨ A ក្នុងភូមិប៉ាអរ ឃុំឯកភាព ស្រុកអូរជុំ ខេត្តរតនគិរី ។
បើតាមភ្នាក់ងារ GRK News បានឱ្យដឹងថា ជនសង្ស័យដែលត្រូវឃាត់ខ្លួនមានឈ្មោះ៖
០១. សុខ សុភមុនី ភេទប្រុស អាយុ ៣៤ ឆ្នាំ ជនជាតិ ខ្មែរ មុខរបរ លក់ដូរ
ទីលំនៅ ភូមិ អភិវឌ្ឍន៍ សង្កាត់ ឡាបានសៀក ក្រុងបានលុង ខេត្តរតនគិរី ។
០២. សេង សុវណ្ណារ៉ា ភេទប្រុស អាយុ ២៤ឆ្នាំ ជនជាតិខ្មែរ មុខរបរកម្មករ
ទីលំនៅ ភូមិ ភ្នំស្វាយ សង្កាត់ បឹងកន្សែង ក្រុងបានលុង ខេត្តរតនគិរី ។
ភ្នាក់ងារបានបន្តទៀតថា កម្លាំងបានចាប់យកវត្ថុតាងមួយចំនួនពីជនសង្ស័យរួមមានៈ
០១. ថ្នាំញៀនប្រភេទម៉ាទឹកក ចំនួន០២កញ្ចប់ ដែលមានទម្ងន់ ៤.៦០ក្រាម
០២.ទូរស័ព្ទដៃចំនួន០២គ្រឿង
០៣. រថយន្តចំនួន ០១គ្រឿង
០៤.ខ្សែក ចំនួន០១ខ្សែ ដែលមានទម្ងន់ ២ជី
០៥. ប្រាក់រៀល ចំនួន ៥៥ ០០០ រៀល
០៦. ប្រាក់ដុល្លាក្លែងក្លាយ ចំនួន ៥០០ ដុល្លារ
០៧. ឯកសារសំរាប់សំគាល់យានយន្ត និងសំរាប់សំគាល់ខ្លួន មួយចំនួន ។
ជនសង្ស័យ និងវត្ថុតាង ត្រូវកម្លាំងកងរាជអាវុធហត្ថស្រុកអូរជុំ កំពុងសាកសួរ និងកសាងសំណុំរឿងដើម្បីចាត់ការបន្តតាមនីតិវិធី។