កំពត៖ នៅវេលាម៉ោង ៩:២៥នាទី ថ្ងៃទី០១ ខែតុលា ឆ្នាំ២០២០ នៅចំណុចភូមិបុស្សត្របែក ឃុំត្រពាំងព្រីង ស្រុកទឹកឈូ ខេត្តកំពត កម្លាំងមូលដ្ឋាន កងរាជអាវុធហត្ថស្រុកទឹកឈូ ដឹកនាំបញ្ជាដោយលោក វរសេនីយ៍ត្រី ស៊ឹម សំអាត មេបញ្ជាការមូលដ្ឋាន កងរាជអាវុធហត្ថស្រុក និងដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តកំពត កម្លាំងបានចុះឃាត់ខ្លួនជនសង្ស័យ ចំនួន០២ នាក់ ករណីគ្រឿងញៀនខុសច្បាប់ និងបានដកហូតវត្ថុតាង គ្រឿងញៀនម៉ាទឹកកកចំនួន ០៤កញ្ចប់, ម៉ូតូចំនួន០១គ្រឿង,ទូរស័ព្ទដៃចំនួន ០១គ្រឿង។
បច្ចុប្បន្ន ជនសង្ស័យ និងវត្ថុតាង ជំនាញកងរាជអាវុធហត្ថខេត្តបានកសាងសំណុំរឿងតាមនីតិវិធី។