បន្ទាយមានជ័យ៖ នៅព្រឹកថ្ងៃចន្ទ ទី០៥ ខែតុលា ឆ្នាំ២០២០ លោក ឧត្តមសេនីយ៍ត្រី បោន ប៊ិន មេបញ្ជាការ កងរាជអាវុធហត្ថខេត្តបន្ទាយមានជ័យ បានចាត់តាំងលោក វរសេនីយ៍ឯក វ៉ាន់ លីហោ មេបញ្ជាការរង ដឹកនាំកម្លាំងសហការជាមួយកម្លាំងទិសទី១បន្ទាយមានជ័យ យោធភូមិភាគទី៥ កម្លាំងកងពលតូចថ្មើជើងលេខ៥១ កម្លាំងតំបន់ប្រតិបត្តិការសឹករងបន្ទាយមានជ័យ ចុះជួយច្រូតស្រូវប្រជាពលរដ្ឋចំនួន ០៣គ្រួសារ ស្មើ៤,៥ ហិកតា ស្ថិតក្នុងភូមិគោកពន្លៃ ឃុំចំណោម ស្រុកមង្គលបូរី ខេត្តបន្ទាយមានជ័យ។