តាកែវ៖ នៅវេលាម៉ោង ១៥ និង ៣០ នាទីរសៀលថ្ងៃទី០៤ ខែតុលាឆ្នាំ ២០២០ ការិយាល័យប្រឆាំងគ្រឿងញៀនកងរាជអាវុធហត្ថខេត្តតាកែវ ដឹកនាំដោយលោក អនុសេនីយ៍ត្រី ហួត វឿន នាយការិយាលយ័ស្ដីទី និងដោយមានការសម្របសម្រួលនីតិវិធីពីព្រះរាជអាជ្ញានៃអយ្យការអមសាលាដំបូងខេត្តតាកែវ កម្លាំងបានចុះបង្ក្រាបករណីគ្រឿងញៀន នៅចំណុចភូមិបានយ ឃុំអង្កាញ់ ស្រុកព្រៃកប្បាស ខេត្តតាកែវ ដោយបានឃាត់ខ្លួនជនសង្ស័យ ០១នាក់ ឈ្មោះ ជា ឃល ភេទប្រុស អាយុ៣៨ឆ្នាំ រស់នៅភូមិបានយ ឃុំអង្កាញ់ ស្រុកព្រៃកាប្បាស ខេត្តតាកែវ និងបានដកហូតវត្ថុតាងម្សៅក្រាមសថ្លាចំនួន ២៣កញ្ចប់, ទូរស័ព្ទ០១គ្រឿង, សម្ភារវេចខ្ចប់ សេពថ្នាំញៀនមួយចំនួន។
បច្ចុប្បន្នជនសង្ស័យ និង វត្ថុតាងការិយាល័យជំនាញបានកសាងសំណុំរឿងតាមនីតិវិធី។